Лепчиња со мисирка врз пивски компири

Состојки:

500 гр. мелено месо од мисирка

сол

мелен црвен пипер

црн пипер

1 поголемо јајце

2 лажици лебни трошки

1 дл кисела павлака

2 главици кромид

800 гр. компири

1,5 дл пиво

1,5 дл вода

1 дл масло

мешани зачини (види совет)

 

Количина: за 4 лица

На меленото месо од мисирка му ги додаваме лебните трошки, јајцето, киселата павлака, солта, црниот пипер и црвениот пипер и мешаме за да добиеме компактна маса, од којашто правиме ќофтенца. Ги пропржуваме во тава на масло, а потоа ги ставаме во чинија, а на истото масло во тавата го пржиме исечканиот кромид којшто потоа го ставаме во огноотпорен сад.

Компирите ги чистиме, ги лупиме, ги сечкаме на парчиња по желба и ги зачинуваме со мешан зачин. Ги ставаме врз пржениот кромид и ги залеваме со пиво. Додаваме уште 1,5 дл вода. Одозгора ги ставаме запечените лепчиња и садот го покриваме со алуминиумска фолија. Печеме во рерна со вентилатор на 200 ºC околу 40 минути, а потоа фолијата ја отстрануваме и јадењето го запекуваме уште 10 минути.

Најдобар мешан зачин

Мешаниот зачин за компири може да го подготвиме самите и да го чуваме во добро затворен сад. Препорачуваме да измешате сол, црвен пипер, лук во прав, рузмарин, мелен црн пипер и малку пченкарно брашно.

 

Бригита Селиншек, Словенија