Пиле на птујски начин

Состојки:

1 пиле

 

птујска маринада

1 помала главица кромид

1 лажица делумно мелен синап

1 лажица зеленчукова коцка за супа

1 лажица пире од домати

половина лажичка црвен пипер

1–2 лажици домашен оцет

1–2 лажици маслиново масло

неколку гранчиња мајчина душица

 

зеленчук за прилогот

компири

моркови

кромид

лук

домати

 

Количина: за 6 лица

За маринадата го сечкаме кромидот и му го додаваме синапот, зеленчуковата коцкацза супа, пирето од домати, црвениот пипер, оцетот, маслото и мајчината душица.

Пилето го чистиме така што му го отсекуваме закржлавениот дел од крилцата, опашот и кожата на вратот. Го ставаме во тавче, добро го премачкуваме со маринадата и го оставаме да одмора два часа.

Пред да го ставиме пилето во плехот, го обложуваме со исчистениот и исечканиот зеленчук за прилог. Во комбинирана рерна со дополнителна пареа го печеме околу еден час на 140 °C, потоа ја исклучуваме пареата, температурата ја зголемуваме на 180 °C и додаваме вентилација, за да се запече убаво пилето. Во класична рерна го печеме на 160 °C, на крајот ја појачуваме температурата на 200 °C и вклучуваме вентилација за да стане кожата убаво крцкава.

Уште посочно

Пилето е уште посочно ако кај копанот го засечеме и под кожата до градите вметнеме парче путер, коешто при пречењето се топи и ги облива градите.

 

Примож Долничар, готвач, Словенија