Пилешка чорба со азиска инспирација „Чорба fusion“

Состојки:

1 пиле

100 гр. путер

1 лажичка сода бикарбона

2 главици кромид

2 страка праз

5 чешниња лук

мал корен од ѓумбир

3 моркови

1 корен магоднос заедно со ливчињата

½ корен пашканат со малку од ливчињата

½ мало цвекло

2 дл вино Халожан

2 дл кокосово млеко

5 рамни лажици кари во прав

3 стебленца лимонска трева

1 лимета

3 кефир лимета (по желба)

сол

црн пипер

прстофат чили во прав

1 лажичка сув мајоран

2 ловрови листа

свеж коријандер (по желба)

 

Количина: за 8 лица

Пилето го сечеме на парчиња (упатство на стр. XY). Врз месото ставаме сода бикарбона и го оставаме да одмора 20 минути. Потоа го миеме со вода, го сушиме и го посолуваме.

Во поголемо тенџере на путерот го препржуваме исечканиот кромид, кога ќе стане стаклест го додаваме ситно исечканиот ѓумбир и лукот. Состојките ги пржиме на тивок оган, додека не започнат да се карамелизираат. Потоа го додаваме месото и пржиме од секоја страна 1–2 минути. Го додаваме виното, го покриваме со капакот и оставаме да врие 10 минути на тивок оган.

Го додаваме ситно исечканиот зеленчук за супа и го залеваме со вода, така што ќе ги покриеме сите состојки. Оставаме да зоврие и на тивок оган вариме 20 минути. Потоа го додаваме уште и ловровиот лист и мајоранот и вариме додека месото можеме со виљушка да го одделиме од коските. Чорбата ја тргнуваме од огнот, месото го ставаме во друг сад, а супата ја цедиме низ сито. Зеленчукот (освен лавровиот лист) го пасираме или го миксираме, а месото со виљушка го ситниме на мали парчиња.

Во тенџере ја претураме процедената супа (ќе излезе околу 1 литар), ја додаваме толчената лимонска трева, карито и прстофат чили. Оставаме да зоврие, на тивок оган вариме уште 5 минути, а потоа ги додаваме кокосовото млеко, иситнетото месо и пасираниот зеленчук (да ја процениме количината за да не биде премногу густо). Мешаме и чекаме повторно да зоврие, а по желба посолуваме уште малку. Пред да ја послужиме ги отстрануваме стебленцата лимонска трева и во секоја чинија цедиме по малку сок од лимета и додаваме прстофат чили. По желба додаваме и свеж коријандер.

За да биде помеко месото

Месото пред подготовката го триеме со сода бикарбона, бидејќи таа дополнително го омекнува.

 

Винко Мандл, Словенија