Пилешки паприкаш со домашни кнедли

Состојки:

1 кг. пилешко месо, најдобро со коска (копани, крилца)

200 гр. пелат

маслиново масло

сончогледово масло

100 мл бело вино

1 лажица брашно

3 главици кромид

100 гр. корен од пашканат

2 моркова

2 црвени пиперки

5 чешниња лук

4 компири

лавров лист

сол

црн пипер

црвен пипер

Количина: за 8 лица

Кромидот, лукот, морковите и коренот од пашканат ги сечеме ситно, ги посолуваме и ги динстуваме на загреана мешавина од маслиново и сончогледово масло.

Кога зеленчукот ќе омекне, го додаваме брашното, виното, пилето, црвениот пипер, солта и црниот пипер. Залеваме со вода за да се покријат сите состојки и на тивок оган динстаме околу половина час.

По половина час ја додаваме уште исечканата пиперка и парчињата компири, пелатите и лавровиот лист. По потреба додаваме вода, зачинуваме и вариме уште половина час.

Кнедли

2 јајца

4 лажици брашно

сол

масло

Кнедлите ги подготвуваме така што јајцата ги матиме со малку сол и додаваме брашно. Смесата добро ја мешаме и ја ладиме во ладилник. Изладената смеса ја обликуваме со лажиче и кнедлите една по друга ги додаваме во жешка вода во поголемо тенџере. Кнедлите ги вариме 5 минути.

Маја Мариновиќ, Хрватска